本店另一位合作嘅人手批花大師----吳師傅，當年十幾歲入行學師，係為咗搵食，但一做便五十年，到今天仍然專注全人手批花雕刻工藝。 吳師傅仲好接受我哋古靈精怪嘅想法，間唔中仲一齊合作做啲特別作品。在工藝上不停吸收、比較日本及歐洲嘅雕刻方法，同仔仔一齊研究怎樣放進港式批花裡。 一份工作堅持做咗五十年依然充滿熱誠，香港地其實都有好多令人敬佩嘅匠人。
